Sólborgarlandið opnar 1. júní til beitar fyrir félagsmenn Ljúfs.

Beitarhólfið er einungis ætlað fyrir hesta sem á ekki að brúka.
Skeifur eru bannaðar í hólfinu!

Þeir félagar sem ætla að nýta sér hólfið sæki um og skrái upplýsingar um eiganda og hesta á beit.ljufur@gmail.com.

Allar nánari upplýsingar veita Erla 695-5664 og Ægir 857-9141.

Kveðja,
Beitarnefnd

Sumarreiðnámskeiðin hjá Ljúfi verða haldin vikurnar:
12-16. júní kl 17-18 (fyrir óvana) og 18-19 (fyrir þau sem hafa verið á námskeiði áður).
26-30. júní kl 16-17 (fyrir óvana) og 17-18 (fyrir þau sem hafa komið á námskeið áður).
Námskeiðin eru ætluð börnum fæddum 2011-2017 og verða hjá Coru á Bjarnastöðum í Ölfusi og sér hún um að skaffa hesta og reiðtygi. Börnin þurfa að vera klædd eftir veðri, í þægilegum buxum og mikilvægt að vera í uppháum skóm eða stígvélum.
Öll börn í Hveragerði og Ölfusi velkomin.
Námskeiðið kostar 12.000 kr og skráning fer fram inni á sportabler.
​Æskulýðsnefnd

Námskeið fyrir alla krakkana með Þórdísi Önnu Gylfadóttur. Námskeiðið er tvískipt, skipt er í hópa f.h eftir aldri og getu, en svo er þrautabraut og fjör eftir hádegið.
Pylsur og gleði í hádeginu.
Áætlað er að hver komi með sinn hest.
​Skráning á Sportabler​

ATH Mótinu er frestað vegna veðurs (spái mikilli rignu og roki á fimmtudaginn). Ný dagskrá auglýst fljótlega.

Firmakeppni Ljúfs verður haldin Fimmtudaginn 18 maí nk. á Vorsabæjarvöllum
Keppnin hefst kl. 15:00 með hefðbundinni dagskrá.
Dagskráin verður sem hér segir:

1. Pollaflokkur (9 ára og yngri)
2. Barnaflokkur (10-13 ára)
3. Unglingaflokkur (14-17 ára)
4. Ungmennaflokkur (18-21 ára)
5. Kvennaflokkur
6. Karlaflokkur
7. Heldriflokkur (60+)
   
   

Hvetjum félagsmenn til að mæta
Skráning fer fram á staðnum kl 13:00.
 
Mótsnefnd Ljúfs

Laugardaginn 29/04 verður hinn árlegi hreinsunar- og girðingadagur Ljúfs í dalnum.

Mæting við félagsheimilið kl.13:00.
​
Öll hjálp vel þegin.

Kveðja,
Beitar- og mannvirkjanefnd.

​Við minnum á að borga þarf árgjald Ljúfs fyrir 15. apríl.
Þeir sem ekki hafa greitt árgjaldið falla út af félagaskrá og geta ekki tekið þátt í viðburðum Ljúfs eða sótt um beitarhólf.

Sælir Ljúfsfélagar!

Þeir sem ætla að nýta sér beit á beitarsvæði Ljúfs þurfa að sækja um fyrir 15. maí 2023.

Sækja þarf um á beit.ljufur@gmail.com. 
​Taka þarf fram nafn umsækjanda, kennitölu, hvaða svæði er sótt um ásamt fjölda hesta.
​Litur, kyn og aldur hvers hests skal einnig fylgja umsókninni.

Athugið að aðeins félagsmenn sem eru skuldlausir við Ljúf geta sótt um beitarhólf.

Verðskrá per hest á mánuði:
Dalur: 6000 kr.
Engjar: 5000 kr.
Sólborgarland: 4000 kr.

Dalur og Engjar eru eingöngu fyrir hesta í brúkun og er bara um að ræða sumarbeit.

Sólborgarlandið er eingöngu fyrir hesta sem eru ekki í brúkun og er sumar og haustbeit.
Þar eru skeifur ekki leyfðar!

Með kveðju,
Beitar- og mannvirkjanefnd