Æska Suðurlands 2024

Mótaröðin Æska Suðurlands fór fram núna í apríl. Mótaröðin er samstarf allra hestamannafélaga á Suðurlandi. 

Fyrsta mótið var haldið á Flúðum, 7. apríl og þá var keppt í Þrígangi í barnaflokki, Fjórgangi í unglingaflokki og Smala í báðum flokkum. 
Annað mótið var haldið á Hellu, 21. apríl og þá var keppt í Fjórgangi í barnaflokki, Fimmgangi í unglingaflokki og Hindrunarstökki í báðum flokkum. 
Þriðja mótið var svo haldið á Selfossi, 28. apríl og þá var keppt í T7 í barnaflokki, T3 í unglingaflokki og Mjólkur-tölti í báðum flokkum. 
​
Hestamannafélagið Ljúfur átti fimm flotta knapa sem kepptu í ár. Það voru þær:

• Anita Liv Snævarsdóttir sem keppti á Huld frá Vestra-Fíflholti í Fjórgangi og T3.
• Marta Elísabet Arinbjarnardóttir sem keppti á Freydísi frá Ásbrú í Smala.
• Hrafnhildur Þráinsdóttir keppti á Evu frá Tunguhálsi II í Þrígangi, Fimmgangi (í unglingaflokki) og T7 og á Öskju frá Efri-Hömrum í Smala, Fjórgangi, Hindrunarstökki, T3 (í unglingaflokki) og Mjólkur-tölti. 
• Katla Björk Claas Arnarsdóttir keppti á Katli frá Ketilsstöðum í Þrígangi, Sleipni frá Syðra-Langholti í Smala og Mjólkur-tölti,  Óskari frá Þorlákshöfn í Fjórgangi og Sóma frá Hrauni í T7.
• Talía Håsler keppti á Axel frá Kjartanstöðum í T7.

Katla gerði sér lítið fyrir og lenti í 1. sæti í Smala og 2. sæti í Mjólkur-tölti og óskum við henni innilega til hamingju með þennan frábæra árangur. Hún var einnig í 4. sæti í samanlögðum greinum.
Hrafnhildur nældi sér í 6. sæti í Hindrunarstökki og í T7 og 5. sæti í samanlögðum greinum og óskum við henni einnig til hamingju með þann árangur.