Ljúfsfélagar á WR Íþróttamóti Geysis

Hestamannafélagið Geysir hélt opið WR íþróttamót á Rangárvöllum 25. - 29. maí.

Ljúfur átti þrjá efnilega keppendur á mótinu í barna- og ungmennaflokki:

Aníta Liv Snævarsdóttir varð í 10. sæti í forkeppni í Fjórgangi V2 Barnaflokki á Glóð frá Hveragerði.​
Hrafnhildur Þráinsdóttir varð í 9. sæti í forkeppni í Fjórgangi V2 Barnaflokki á Öskju frá Efri-Hömrum.
Stelpurnar lentu í roki og rigningu á föstudeginum og gerðu vel í erfiðum aðstæðum.

Hrafnhildur keppti líka á Öskju í T3 Barnaflokki og varð í 5. sæti í forkeppni í fínu veðri á laugardeginum og kláraði mótið á mánudegi í 6. sæti í A-úrslitum.

Jónína Baldursdóttir keppti á Klerk frá Kópsvatni í T1 Ungmennaflokki og varð í 6. sæti í forkeppni en vann sig upp í 4. sæti í A-úrslitum.

Við óskum þessum flottu knöpum til hamingju! Virkilega gaman að sjá og heyra af Ljúfsfélögum á keppnisbrautinni.

Myndir eru af Facebook síðu Hestamannafélagsins Geysis.