Hér má sjá dagskrá æskulýðsnefndar Ljúfs.
Skráning á viðburði verður auglýst þegar nær dregur og mun fara fram í gegnum Abler.
Pollatölt Ásrún Ynja Tix og Lúkas frá Miðey Sigríður Sif Jóndsdóttir og Gyðja frá Kaðalstöðum Þór Júlí Baldvinsson og Álfur frá Vestmannaeyjum Freyja Maren Snævarsdóttir og Dökk frá Kríumýri Pollaflokkur Karen Sif Sævarsdóttir og Úlfur frá Gerðum Barnaflokkur
Unglingaflokkur
Ungmennaflokkur
3. Flokkur
2. Flokkur
1.Flokkur
FEIF Youth Cup 2024 fer að þessu sinni fram í Sviss dagana 13. til 20. júlí. Viðburðurinn fyrir knapa á aldrinum 14-17 ára sem vilja öðlast keppnisreynslu á erlendri grundu. Þetta er einnig frábært tækifæri til kynnast ungum og efnilegum knöpum frá öðrum löndum. Áhersla FEIF Youth Cup er á teymisvinnu, íþróttamennsku, bætta reiðfærni og vináttu þvert á menningu.
Ísland á 7 sæti á Youth Cup en umsóknar frestur er til 1. apríl. Umsóknir skulu sendar á aeska@lhhestar.is. Í umsókninni þarf að koma fram nafn, heimilisfang, símanúmer, aldur, hestamannafélag og keppnisreynsla knapa sem og nafn, símanúmer og netfang forráðamanna. Þá þurfa að koma fram upplýsingar um enskukunnáttu umsækjenda auk þess sem þeir eru beðnir um að segja svolítið frá sér og af hverju þeir hafa áhuga á þátttöku í Youth Cup. Íslenskir keppendur fá leigðan hest á meðan á mótinu stendur sem æskulýðsnefnd LH hefur milligöngu um að útvega. Íslenska hópnum mun fylgja fararstjórar úr Æskulýðsnefnd LH. Þátttökukostnaður er: 1065€ inn í því er gisting, fæði, kennsla, hesthúsapláss og skráningargjöld. Þess utan þarf að greiða fyrir leigu á hesti, flug og aðrar samgöngur til og frá mótsstað og umframgistingu, þar sem hópurinn gæti þurft að fara fyrr út til að prófa og para saman hesta og knapa. Frekari upplýsingar má nálgast hér: Microsoft Word - invitation_FYCup2024 final (lhhestar.is) Dagana 16. og 17. mars var haldið pollanámskeið fyrir yngstu krakkana okkar. Eins og oft áður var námskeiðið haldið í reiðhöll Eldhesta og fengum við barnahesta og reiðtygi að láni hjá Eldhestum til að gera öllum börnum kleift að taka þátt. Við viljum þakka Hróðmari og Eldhestum innilega fyrir, það er ekki sjálfgefið að fá að nota svona góða aðstöðu. Tólf börn voru skráð á námskeiðið og var þeim skipt í tvo hópa eftir aldri. Reiðkennarinn Rósa Birna Þorvaldsdóttir stýrði námskeiðinu og náði hún virkilega vel til krakkanna sem lærðu undirstöðuatriði eins og ásetu, taumhald, að hvetja af stað og stöðva, ríða bauga og svo tóku við leikir og fimiæfingar. Með kveðju, Æskulýðsnefnd Ljúfs Er kominn tími til að losa skítahauginn við hesthúsin að Vorsabæjarvöllum?
Tveir vaskir feður taka að sér að tæma skíthauginn fyrir litlar 10þúsund kr á bíl og fer allur ágóðinn (-olía á vörubílinn) til styrktar krökkunum sem stefna á úrtöku fyrir Landsmót 2024. Krakkarnir mæta á æfingu í Eldhestum í hverri viku undir handleiðslu reiðkennarans Babsý Meyer. Þeir sem vilja nýja sér þessa þjónustu og styrkja krakkana er bent á að senda Ragnhildi skilaboð í síma 865-1945 (eða hringja). Bókleg Knapamerki verða kennd í febrúar/mars og lýkur námskeiðunum með skriflegum prófum.
Allar upplýsingar um Knapamerki er að finna á http://knapamerki.is/ Námskeiðið er opið öllum þeim félagsmönnum er hafa áhuga á að ljúka bóklegu námi í vetur (og verklegu í vor). Kennsla hefst sunnudaginn 25.febrúar. Áætlaðir kennsludagar eru á sunnudögum kl 15:30. Skemmtilegt nám fyrir þá sem vilja auka þekkingu og færni á skipulagðan hátt. Knapamerkjabækurnar fast td í Líflandi, Ástund og hjá Hólaskóla. ( ATH Nýjustu bækurnar eru allar gormabækur). Áætlað er að verklegi hluti Knapamerkja 1, 2 og 3 verður haldinn eftir páska fyrir þá sem klára bóklega hlutann. Skráning fer fram á sportabler.com og lýkur 29 febrúar. Kennari verður Barbara Meyer (Babsý) Nánari upplýsingar veitir Ragnhildur í netfangi ragga(hjá)heljuheims.net Aðalfundur Hestamannafélagsins Ljúfs var haldinn í félagsheimilinu að Vorsabæjarvöllum fimmtudaginn 1. febrúar 2024.
Kosið var um þrjú sæti í stjórn félagsins og um einn varamann sjórnar. Erla Björk Tryggvadóttir og Cora Jovanna Claas buðu sig fram í áframhaldandi setu í stjórn til tveggja ára og Snævar Freyr Sigtryggsson til eins árs og hlutu kosningu án mótframboðs. Linda Sif Brynjarsdóttir var ein í kjöri varamanns stjórnar til tveggja ára og bjóðum við hana velkomna. Tilnefningar í nefndir fóru vel fram og flestar nefndir eru vel mannaðar en upplýsingar um nefndir hafa verið uppfærðar hér efst á heimasíðunni. Alltaf er þó pláss fyrir áhugasamt fólk í nefndum og félagsmenn eru hvattir til að hafa samband við nefndarformenn ef áhugi er á samstarfi eða ef upp koma góðar hugmyndir fyrir starfsemi nefndanna. Félagsgjald 2024 var samþykkt á fundinum: Börn 0-9 ára FRÍTT 10-17 ára 3000 krónur, Fullorðna (18-69) 10000 krónur. 70 ára og eldri FRÍTT Aðalfundargerð hefur verið hlaðið upp á heimasíðuna og má finna hana hérna: Aðalfundargerð. Stjórn þakkar fyrir góðan fund og hlakkar til samstarfs við félagsmenn Ljúfs árið 2024. Kröfur vegna félagsgjalda Ljúfs 2024 hafa verið sendar í heimabanka félagsmanna.
Gjalddagi þeirra er 15.febrúar og eindagi 15.mars 2024. |
Viltu:
Ganga í Ljúf? Aðstoða í nefnd? breyta netfangi eða síma? fá aðgang að Worldfeng?Sendu tölvupóst á: h.ljufur@gmail.com |